Saatlarla
qarşılaşmadan öncə stadyumda hazir olan minlərlə traxtorçu rəqibin söyüşlərinə
baxmayaraq milli şuarlar səsləndirməyə başlamışdılar. İntizami məmurlar isə
stadyuma girmək istəyən Traxtorçuların Türkcə parçalar və afişlərini alaraq
içəri aprmağa imkan vermirdilər.
Traxtor
- Piruzi qarşılaşmasının olayları Fars ırqçılığının gerçek üzünü ortaya qoydu
28.07.2010
Güney Azərbaycanda
futbol həyəcanı yenidən başlandı, ancaq...
Güney Azərbaycanın
milli taxımı kimi dəstəklənən Traxtor Futbol taxımı İran superliginin birinci
həftəsi çərçivəsində Tehranın Piruzi Futbol taxımı ilə qarşılaşdı. Tehranın
Azadi (Azadlıq) stadyumunda keçirilən qarşılaşmada ev sahibləri 1-0 hesabı ilə
qalib gəlsələr də təəsüfləndirici səhnələr nümayiş etdilər.
Tehran vaxtı ilə
saat 19:40-da başlanan qarşılaşmanı 50000 min nəfər yaxından izləyirdilər. Bu
tedadın yarısından çoxunu Traxtorçular oluşdururdular. Bu gerçəyə dözə bilməyən
rəqib tərəfdarlar isə tohin etməyə başladılar.
Gərginlik
qarşılaşmanın ilk saniyələrindən başladı
Saatlarla
qarşılaşmadan öncə stadyumda hazir olan minlərlə traxtorçu rəqibin söyüşlərinə
baxmayaraq milli şuarlar səsləndirməyə başlamışdılar. İntizami məmurlar isə
stadyuma girmək istəyən Traxtorçuların Türkcə parçalar və afişlərini alaraq
içəri aprmağa imkan vermirdilər.
Qarşılaşmanın ilk
saniyələrində intizami quvvələr çox çətinliklə içəri aparılan "Türk
dilində mədrəsə, olmalıdır hər kəsə" məzmunlu parçanı tərəfdarların
əlindən almaq istəyəndə onlarla Traxtorçuların arasında qarşıdurma yarandı. Bu
qarşıdurma İran televizyonunun kameralarından uzaq qalmadı. Qeyd edək ki bu
olay geçən il eynən Traxtor - İstiqlal qarşılaşmasında da yaşandı.
Traxtorçular milli
şuarlar səslədi, onlarsa söydülər
İran televizyonu
müxtəlif yollarla Traxtor tərəfdarlarının səslərini kəsməyə çalışsa da 25000-dən
artıq Traxtorçunun "Yaşasın Azərbaycan" və "Azərbaycan var olsun,
istəməyən kor olsun" kimi səsləndirdikləri şuarları televizyondan eşitmək
mümkün idi.
Bütün bu milli
şuarlarla bərabər Piruzinin tərəfdarları Türk millətinin təhqirini amaclayan
söyüşlər və tohinlər səsləndirirdilər.46-cı
dəqiqədə Piruzi qolunu vurduqdan sonra bu tohinlər o qədər vüsət aldı ki İran
televizyonu stadyumun səsini tamamən kəsməyə məcbur oldu. İran üçüncü kanalının
aparıcısı isə şiddətli tohinlər və söyüşlərə görə səsin kəsdirdiyini bildirdi.
Irqçı insanların
etdiyi tohinlərin bir kiçik bölümünü izləmək üçün buraya tıklayın.
Hakimlərin
Traxtora qarşı qərəzli qərarları davam edir...
Traxtorçular geçən
il də hakimlərin qərəzli qərarlarının şahidi olublar. Dünənki qarşılaşmada isə
hakim Məsud Muradinin aşkar səhvləri və qərəzli qərarları Traxtor tamaşaçılarını
gerçəkdən rahatsız edib. Hakimin belə qərarları taxımın baş məşqçisi Fəraz
Kəmalvənd və tanınmış Azərbaycanlı oyunçusu Rəsul Xətibinin etirazlarına səbəb
olub.
Polis
Traxtorçuların etirazlarına sərt şəkildə təpki göstərdi
Stadyumdakı
tamaşaçıların verdiyi məlumata görə polis əməkdaşları Traxtorçuları
gözyaşardıcı qazla təhdid ediblər. Sonra isə Traxtor tərəfdarlarına hücum
edərək onların bir neçəsini döyüblər. Qarşılaşma bitdikdən sonra Traxtorçular
stadyumun eşiyində Piruziçilərin əl bombalarına məruz qalıblar.
Milli hərəkət
saytları isə adları məlum olmayan bir neçə Traxtor tərəfdarının
tutuqlanmasından xəbər verirlər. Qeyd edək ki Türklərin stadyumun ətrafındakı
xiyabanları etiraz səhnəsinə çevirməsindən qorxan polis məmurları stadyumdan
Azadi (Azadlıq) meydanına qədər xiyabanları ciddi nəzarət altına alıblar.
Xəbər ajansları
olayları tamamən tərsinə göstərməyə çalışdılar
Qarşılaşmadan
sonra edilən tohinlərə görə Türk millətinin üsyanından qorxan şovinistlər
yaşanan olayları tatamən tərsinə göstərməyə çalışdılar. Belə ki bütün xəbər
ajansları və saytları (o cümlədən Fars xəbər ajansı, İrna xəbər ajansı, Goal
saytının Farsca bölümü və ...) "Traxtor tərəfdarları söydülər" yazdılar.
Xəbər ajansları və hətta qəzetələrin belə yalanları Güney Azərbaycan Türklərini
ciddi şəkildə qəzəbləndirib. Onlar "Bu yalan xəbərlərlə Tarxtoru məhrum
elətdirmək istəyirlər" deyirlər.
Traxtorçular 2
həftə Səhənd stadyumuna getməkdən məhrum oldular
Onların təxmin
etdikləri çox sürətlə gerçəkləşdi. Belə ki İran Futbol Federasyonunun inzibati
komitəsi Traxtor tərəfdarlarını etdikləri tohinlərə (!!!) görə 2 həftə öz
stadyumlarına hazir olub taxımlarını dəstəkləməkdən məhrum etdi. Traxtorun
oyunçusu Rəsul Xətibinin isə hakimə etdiyi etirazlara görə 2 həftə taxımdan
uzaq qalacağı bildirilir.
Bu hökmlər bir
haldadır ki Türk millətinin inanılmaz tohinlərə məruz qoyan Piruzi tərəfdarları
yalnız bir həftə məhrum olunublar.
Güney
Azərbaycanlılar aksiya keçirməyə hazır olurlar
Səslənən söyüşlər
və oxunan hökmlər Türklərin arasında qəzəb və nifrət dalğası yaradıb. Belə ki
Güney Azərbaycanən bütün şəhərlərində Traxtorçular və milli fəallar Təbrizdə
etiraz aksiyası keçirməyi planlaşdırırlar. Milli Hərəkət saytlarının verdiyi
məlumata görə Futbol Fedrasyonu Traxtor əleyhinə verdiyi hökmləri ləğv etməsə
bazar günü saat 17:30-da Təbrizin Saat meydanında geniş miqyaslı aksiya
keçiriləcək.
